Tuesday, February 21, 2023

மீன்

 

மின்னுவதால் மீனென்பது விண்மீனுக்கு வேண்டுமெனிற் சரியாகலாம்; நீர்வாழ்மீனுக்குச் சரியல்ல. அப்படிச் சொல்வது உலகியல் வழிச் சொற்பிறப்புக் (folk etymology) குறிப்பு என்றே நான் சொல்வேன்.

Rebus principle இன் படி ஒருசேரக் கருதும் இரு பொருட்சொற்களிடை ஒலிப்பு ஒற்றுமை வேண்டுமே ஒழிய, சொற்பிறப்பும் ஒன்றுபோல் ஆகத் தேவையே இல்லை. மள்>மய் எனும் வேர் வழிப் பிறந்த சொல்லான மயிலைக்கு வெண்மை கலந்த கருநிறப் பொருள் சொல்வர் (ash colour, grey, mixed colour of white and black.)

மயிலைக்கு, மீனென்றும் பொருளுண்டு. பெரும்பாலும் மீன்கள் என்பன மயிலை நிறத்தில், வெள்ளையிற் புள்ளிகளோடு காட்சியளிக்கும். மள் வேர் வழிப் பிறந்த இன்னொரு சொல்லான மச்சிற்கும் கரும்புள்ளியென்றே பொருள் சொல்வர். அடிப்படையில் மச்சமெனும் மீன் நிறையக் கரும்புள்ளி கொண்டதாகவே உள்ளத்.

(மச்சத்தைச் சங்கதம் என்பது அறியாதோர் செய்யுங் குழப்பம்.) நீர் வாழ் மீனுக்கு நான் பரிந்துரைக்கும் சொற்பிறப்பு

மள்>மயி>மயின்>மீன்

என்பதே.)